Gleiðilega hátíð kæru leseundur.....
Pabbi hefur bloggað.........svona vel ! ! ! Enda við framhaldsnám í bloggi í veldi bauna og bjórs og Margrétar Þórhildar.
Þorláksmessa : Ég hafði farið í Kringluna fyrr um daginn og keypt í skóinn handa litlu krökkunum mínum og spurt sérstakelga eftir skriðdreka sem Óttar var svo hrifinn af í Dótabúðinni, hann var í felulitum, hægt að ýta á hausinn á hermanninum sem sat í drekanum og þá kom ljós úr byssunni og hljóð. Afgreiðslumaðurinn er mjög almennilegur og sækir einn slíkan á bakvið.......sennilega ekki margir að biðja um svona fyrir jólin ! ! Þegar ég svo um kvöldið ætla að lauma skriðdrekanum í skóinn þá heyrist ekki neitt og ekkert ljós kemur, ég verð svona reið og pirruð, þreytt eftir Kringluráp og stress..........ég hringi í Dótabúðinni og kvarta yfir þessu. Fyrir svörum er stúlka sem segist hringja í mig þegar hún finni nýjan skriðdreka. Eftir 10 mínútur sé ég eftir öllu saman og sé að þetta er alveg útí hött, gefa barni skriðdreka í skóinn þegar lönd víða um heim eru stríðshrjáð um jólin og brjálast útaf því að það heyrist ekkert í honum. Ég hringi aftur í Dótabúðin og spyr eftir stúklunni og þá er mér sagt að hún hafi farið uppí Smáralind að sækja skriðdreka ! ! ! NEI.....ó mæ god ! ! ! Ég fæ gsm númer og hringi í hana og biðst afsökunar á þessu, ég reddi þessu alveg og segi heni að vera ekki að finna annan dreka. Jú hún ætlar að gera það og segist koma með hann til mín á eftir þegar hún sé búin að gera upp kassan............Ég sit eftir miður mín. Klukkan 00,30 kemur stúlkan með nýjan skriðdreka og 3 súkkulaði jólasveina, ég hef þá í millitíðinni sett slaufu á tvö kerti og gauka þeim að henni og segi að hún sé svo góð stelpa að kertasníkir hljóti að koma við hjá henni í nótt. Hún segir mér að hún hafi gaman af starfinu sínu og hún hafi verið á ferðinni í allan daga að redda jólunum hjá fólki og að henni finnist það gaman ! ! Guð blessi þessa góðu stúlku og Dótabúðina ! ! !
Aðfangadagur: Jólin tóku tvo tíma og 30 mínútur...þ.e. að borða jólamatinn, lesa á kortin og opna allan þennan fjölda pakka sem bárust. Eiríkur er farinn að læra það að kortin taka of langan tíma og hann hefur komið upp flæðilínu sem auka afköst við jólakortalestur til muna, þá er hægt að vinda sér í pakkana miklu fyrr. Æsingurinn var þokkalega miklill í pökkunum.
Jólin: Við áttum yndislega jól, fórum í jólaboð á Lýtingsstaði á jóladag og átum þar og drukkum og spiluðim “púkk”. Á annan dag jóla var boð hjá mömmu á Sólheimum og þar var líka etið og drukkuð.....á laugardaginn var boð Holtunga í SEM-húsinu og á sunnudag boð hjá Jónu frænku í Kópavogi. Í Kópavogi átti sér stað það leiðindaatvik að Óttar missir diskinn sinn með súkkulaðiköku niður á tána á sér og í fokdýra og fína mottu. Skipti engum togum að það fór að blæða undir nöglinni og við urðum frá að hverfa með grátandi soninn og hálfétin.....Já jólaboðin geta verið hættuleg !!
Maður er búin að hitta fjölda mans og eiga góðar stundir. Mánudagurinn er vinnudagur og morgundagurinn líka svo maður nær að snúa sólarhringnum við í tvo daga.
Guðsblessun í bæinn.
GUNNA

Hæ hæ hó bloggarar...........
Hafa allir nægan tíma til að blogga á þessum vef eða hvað ?? Þarf enginn að gera neitt fyrir jólin ?? Djók...það er sko mikil upplyfting að lesa blogg í jólastressinu og finna samkendina í stressinu...
Tvær sortir í höfn í Geislanum, Sörur og appelsínusúkkulaðikökur..........sortirnar verða ekki fleiri að sinni enda rosalega góðar. Skelli kannski upp einu piparkökuhúsi ef ég verð í stuði og hægt verður að kaupa einingahús í Hagkaup. Annars hafa dagarnir farið í að flísaleggja og mála, veit ekki afhverju maður finnur sér alltaf eitthvað svona til að stressast yfir frekar en ekkert.
Stekkjastaur kemur í kvöld og gaukar gjöfum að börnunum. Við verðum að kaupa 39 (3x13) skógjafir til að börnin okkar hafi þessa fallegu trú á jólasveininn, -- ótrúlegt !! Síðan þegar börnin eldast þá kemst upp um mann og kemur í ljós að maður laug allan tíman og þóttist vera jólasveinn.......................undarlegt...........það er margt skrítið í kýrhausnum.
Gangið á Guðs vegum.....
GUNNA

Sælar vafrarar !

já mikið vatn rennur til sjávar og allt það. Nú er ég komin með "Shout out" svo ég er virkilega farin að kommúnunkera á netinu og allt er það Þórdísi frænku að þakka..

Nú það hefur ekki farið framhjá neinum að jólin nálgast á ofurhraða og ég er enn pollróleg...merkilegt, svo tek ég síðar í desember þvílíka flogið að menn og málefni eiga fótum fjör að launa. Það er alveg merkilegt hvað það er margt sem við konum þurfum að gera. Sumir pakka ekki inn jólagjöfum, baka ekki smákökur, skrifa ekki jólakort, taka ekki til nema 2 dögum fyrir jól, elda ekki jólamatinn og hafa engan áhuga á að kaupa jólagjafir...hver skyldi gera þetta allt fyrir jólin?? Vegleg verðlaun í boði fyrir rétt svar!!!
Jæja nóg um það. Ég fór á aðventuhátíð á Sólheimum á sunnudaginn og hef sjaldan verið við eins fallega aðventuathöfn. Þarna var búið að búa til garð sem var eins og spírall, gerður úr mosa og greinum, innst í spíralnum var mjög stórt kerti sem kveikt var á eftir að prestur hafði messað í smástund. Síðan tók hver maður eitt epli sem var skreytt með grenigrein og kerti og labbaði inn í spíralinn og kveikti á sínu kerti á stóra kertinu og setti það einhversstaðar í garðinn. Á meðan var leikið á jarðhörpu og sungið. Smá saman birti í salnum af öllum kertunum og þetta var alveg yndislega fallegt, allir tóku þátt.

Já á maður ekki bara að njóta aðventunnar og teyga að sér menningu og listir af miklum móð...............kannski gera jólaverkin sig bara sjálf.....
Gangið á Guðs vegum.
GUNNA